ललितपुर खबर
२१ जेठ ०७८, काठमाडौं । सरकारले सर्वसाधारणका लागि विक्री खुला गरेको साल्ट ट्रेडिङ्ग र खाद्य व्यवस्था तथा व्यापार कम्पनी लिमिटेड र साल्ट टे«डिङ कर्पाेरेशनले केही खाद्य वस्तुमा छुट दिएपछि राजधानीका विभिन्न काउण्टरमा भीड देखिएको छ । कोरोना संक्रमणको त्रासबीच स्थानीय प्रशासनले कडा निषेधाज्ञा लगाएको भए पनि यस्ता काउण्टरमा भीड भएको हो ।
शुक्रबार विहान ९ बजेसम्म थापाथलीस्थित खाद्य संस्थान खुला थियो भने कालीमाटीस्थित साल्ट टे«डिङ्ग र जावलाखेल स्थित काउण्टरमा २ बजेसम्म भीड थियो । सरकारले सर्वसाधारणका सुविधाका लागि बुधबारबाट यी काण्उटरहरु सञ्चालन गरेको थियो । बुधबारबाट केही सामानमा २० प्रतिशत छुट सहित सामान विक्री गरेको हो ।
सरकारले बजेट वक्तव्यमार्फत घोषणा गरेको सस्तो सामान विक्रि वितरण सुरु भएको छ । विहीबार साल्ट ट्रेडिङ लिमिटेडले २० प्रतिशत मूल्य सस्तो मूल्यसूचि सार्वजनिक गरेसँगै अव सर्वसाधारणले चिनी ६३ रुपैयाँ २० पैसा र ग्याँस १ हजार १२० रुपैयाँमा किन्न पाउनेछन् ।
भटमासको तेल रु.१८८,नून रु.१६ र रु. पिठो ४४ किन्न पाउनेछन् । ग्याँस एसटिसी कम्पनीको सिलिण्डर हुनु पर्नेछ भने सामान किन्न नागरिताको प्रतिलिपिसँगै परिवारको सदस्यको नाम भरेर बुझाउनु पर्ने नियम छ ।
यसका लागि साल्ट ट्र्डिङले परिणाम समेत तोकेको छ । जसअनुसार तेल १ लिटरमा पाइन्छ भने ग्यास १ सिलिण्डर मात्र भर्न सकिन्छ ।
नून चिनी र पिठो २ केजी मात्रै किन्न पाइन्छ । यो सुविधा निषेधाज्ञाको समयमा मात्रै उपलव्ध हुने कम्पनीले जनाएको छ ।
अर्थमन्त्री विष्णुप्रसाद पौडेलले आर्थिक वर्ष २०७८÷७९ को बजेट सार्वजनिक गर्दै निषेधाज्ञा अवधिभर खाद्य व्यवस्था तथा व्यापार कम्पनी लिमिटेड र साल्ट ट्रेडिङ कर्पाेरेशनबाट खाद्य पदार्थ खरिद गर्दा बीस प्रतिशतसम्म छुट पाइने बताएका थिए ।
दुई कम्पनीले बिक्री गर्दै आएको चामल, चिनी, नुन, तेल, तथा खाना पकाउने ग्यास खरिद गर्दा यो छुट पाइनेछ । खाद्य कम्पनीको अनलाइन होम डेलिभरी तथा साल्ट ट्रेडिङ कर्पाेरेशनको मोबाइल भ्यान तथा बिक्री काउन्टरबाट खाद्य पदार्थको खरिद गर्र्दा यो छुट पाइने व्यवस्था गरिएको थियो ।
कर्पाेरेशनले पिठो, चिनी, नून, भटमासको तेल र खाना पकाउने तेल तथा खाद्य कम्पनीले चामल र कर्णालीको सिमीमा २० प्रतिशत छुट दिनेछ । छुट लिन पहिचान खुल्ने प्रमाणपत्र लिएर जानुपर्नेछ ।
प्रतिक्रिया