सरकारले संविधान दिवसलाई राष्ट्रिय दिवसको रुपमा मनाउने

 लपु संवाददाता
२ असोज ०७६, ललितपुर । आजदेखि संविधान दिवस तथा राष्ट्रिय दिवसको कार्यक्रम सुरु भएको छ । मुख्य दिवस भोली भएको भएपनि आज भोली र पर्सि तीन दिन बिभिन्न कार्यक्रम गरी दिवस मनाउन लागिएको हो ।

सरकारले घर–घरमा राष्ट्रिय झण्डा राख्न र तिन दिन साँझ दिपावली गर्न आवह्न गरेको छ । यस बर्षको नारा नै ‘संविधान दिवस तथा राष्ट्रिय दिवस हर्षोल्लासका साथ मनाऔं, घरघरमा राष्ट्रिय झण्डा फहराऔं र दिपावली गरौं’ भन्ने तय गरिएको छ ।

‘नेपालको संविधान, २०७२ जारी भएको दिनको सम्झनामा हरेक वर्ष असोज ३ गते मनाइँदै आएको संविधान दिवसको दिनलाई नै सरकारले राष्ट्रिय दिवसको रुपमा समेत मनाउने निर्णय गरेको थियो ।