सेतो हिमाल उत्तरमा टलक्कै टल्कियो

ललितपुर खबर फोटोग्राफी
८ पुस ०७६, ललितपुर । निरन्तरको वर्षापछि बुधबार काठमाडौंको आकाश सफा थियो । सफा आकाशको पृष्ठभूमिमा उत्तरतर्फका हिमाल टलक्कै टल्किए ।
राजधानीका उचो भू—भागबाट हिमाल सुन्दर देखिएका थिए । क्रंक्रिटजंगल वरपरका झुरुप्प बस्ती डाँडापाखा जताततैबाट हिमाल हेर्न मज्जा थियो ।

राजधानी काठमाडौंबाट पश्चिम अन्नपूर्णदेखि पुर्वमा कञ्चनजंगा हिमाल प्रष्टै देखिन्छ । राजधानीबाट मनास्लु, गणेश,लाङ्गटाङ्ग,दोर्जे लाक्पा,गौरीशंकरलगाय सगरमाथाको चुचुरो समेत ठम्याउन सकिन्छ ।

राजधानी खाल्टोबाट उकालो लाग्दा भेटिने प्रायः सबैजसो चुचुराबाट हिमाल देखिन्छ । राजधानी वरपर पर्यटक लक्षित होटल र क्याफेहरु खुलेका भए पनि गुणस्तर पाइदैन । धेरैजसो होटलहरु महँगा र ग्राहक ठग्ने पल्केका पाइन्छन् ।