अमेरिकाविरूद्ध विनोदको अर्धसतक

२५ माघ ०७६, काठमाडौ । काठमाडौमा जारी आइसिसी विश्वकप लिग दुई अन्तर्गत अमेरिकाविरूद्धको एकदिवसीय अन्तर्राष्ट्रिय खेलमा नेपालका लागि विनोद भण्डारीले अर्धसतक पूरा गरेका छन्।

आज शनिबार कीर्तिपुरको त्रिवि क्रिकेट मैदानमा भएको खेलमा भण्डारीले ७० बलमा ५३ रन बनाएका छन् । उनले ५ चौका र १ छक्का प्रहार गरेका छन्। त्यसअघि नेपालका कशुल मल्लले अर्धसतक पार गरेका थिए।

अहिले टस जितेर अमेरिकाले फिल्डिङ रोजेको थियो।

त्रिकोणात्मक सिरिज अन्तर्गत अहिले ओमान र अमेरिका नेपाल भ्रमणमा रहेका छन्। यी तीन टोलीबीच दुई(दुई खेल गरेर प्रत्येकले चार खेल खेल्नु पर्नेछ।