चिडियाघरको आम्दानी १४ करोड

३ फागुन ०७६, जावलाखेल । ललितपुरको जावलाखेलमा रहेको चिडिया घरबाट सरकारलाई राम्रो आम्दानी भइरहेको देखिएको छ ।
गतआर्थिक वर्षमा चिडियाघरले अवलोकनकर्ताबाट १४ करोड रुपैयाँको आम्दानी गरेको सूचना अधिकारीको भनाई छ । गएको बर्ष चिडियाखानामा लगभग एक लाख स्वदेशी र विदेशी पाहुना जीवजन्तु हेर्न पुगेका थिए । चिडियाखाना अवलोकन गर्न १२ वर्षमुनि उमेरकालाई ५० रुपैयाँ, विद्यार्थीलाई १००, सर्वसाधारणलाई १५०, सार्क राष्ट्रका पाहुनालाई २२० र अन्य देशका नागरिकलाई ७५० रुपैयाँ प्रवेश शुल्क तोकिएको छ । अघिल्ला आर्थिक बर्षमा भने अवलोकनकर्ताबाट १२ करोड रुपैयाँ आम्दानी भएको थियो ।

हाल चिडियाखाना ६ हेक्टर क्षेत्रफलमा फैलिएको छ । चारैतिर जीवजन्तु रहेको चिडिया घरको बीचमा ठुलो पोखरी छ । यस पोखरीमा आगन्तुक डुंगा चड्न सक्छन् भने हाँसलगायतका जलचर प्राणी यही पोखरीमा सयर गर्छन् । १ सय २७ प्रजातिका १ हजार २ सय १९ जीवजन्तु छन् । केही वर्षअघि ८ सय जीवजन्तु रहेको यहाँ गत वर्ष धेरै चरा ल्याइएकाले संख्या बढेको हो ।