प्रधानमन्त्री ओलिको स्वास्थ्य लाभको कामनासहित दीप प्रज्वलन

२१ फागुन ०७६,काठमाडौं महाराजञ्ज । दोस्रोपटक मिर्गौला प्रत्यारोपण गरेका प्रधानमन्त्री केपी शर्मा ओलीको शीघ्र स्वास्थ्य लाभको कामना गर्दै दीप प्रज्ज्वलन गरिएको छ । आज साँझ महाराजगञ्जस्थित शिक्षण अस्पताल परिसरमा दिप प्रज्वलन गरिएको हो ।
विद्यार्थी संगठन अखिल नेपाल विद्यार्थी युनियन(अनेरास्ववियु)ले दिप प्रज्वलन गरेको हो । दिप प्रज्वलनमा ललितपुरका सासंद नवराज सिलवाल र धादिङ्गका सासंद भूमि त्रिपाठी प्रधानमन्त्रीका प्रेस सल्लाहकार सूर्य थापा लगायतको सहभागिता थियो ।
दिप प्रज्वलनका क्रममा शिक्षण अस्पतालको आँगनमा रातो अविर र सेतो रंगले गेट वेल सुन राइट अनरेवल पिएम लेखिएको अक्षरसँगै लस्करै मैनबत्ती बालिएको थियो ।
दिप प्रज्वलनमा सयौंको संख्यामा शुभेच्छुक र प्रधानमन्त्री ओलिका आफन्त र आगन्तुक सहभागी भएका थिए ।
चितवनमा पनि प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी शर्मा ओलीको शीघ्र स्वास्थ्यलाभको कामना गर्दै आज भरतपुरमा दीप प्रज्ज्वलन गरिएको छ । मदन भण्डारी फाउण्डेशन चितवनले कार्यक्रमको आयोजना गरेको हो । सो अवसरमा जिल्लाका नेता कार्यकर्ता र सर्वसाधारणको उपस्थिति रहेको थियो । दीप प्रज्ज्वलन गर्दै नेकपा वाग्मती प्रदेश कमिटी सहइन्चार्ज काशिनाथ अधिकारीले प्रधानमन्त्री ओलीको मिर्गौला प्रत्यारोपण सफल भएको बताउँदै अब उहाँको नेतृत्वमा देश समृद्धिको बाटोमा अघि बढ्ने बताउनुभयो ।
राष्ट्र निर्माण अभियानका नायक ओलीले अघि बढाउनुभएको समृद्धिको यात्राले सार्थकता पाउने अधिकारीले बताउनुभयो । प्रधानमन्त्री ओलीको त्रिवि शिक्षण अस्पताल महाराजगञ्जमा सफल मिर्गौला प्रत्यारोपण भएको छ । फाउण्डेशन चितवनका अध्यक्ष डा तिलचन्द्र भट्टराईको संयोजनमा भएको कार्यक्रममा वाग्मती प्रदेशका मुख्यमन्त्रीका राजनीतिक सल्लाहाकार जेएन थपलिया, प्रदेशसभा सदस्य विजय सुवेदी, नेकपा भरतपुर महानगर कमिटी अध्यक्ष रामप्रसाद न्यौपानेलगायत उपस्थिति थियो ।