पहिरोमा परेर एकै दिन १७ को मृत्यु, २८ बेपत्ता

३० साउन ०७७, काठमाडांै । मुलुकका विभिन्न ठाँउमा गएको पहिरोमा परेर शुक्रबार एकै दिन १७ जनाको मृत्यु भएको छ । भने २८ जना बेपत्ता छन् । सबैभन्दा ठूलो पहिरो सिन्धुपाल्चोकको जुगल गाउँपालिका–२ लिदीमा खसेको छ । यहाँ मात्रै १० जनाको मृत्यु भएको र २८ जना बेपत्ता रहेका गृहमन्त्रालयअन्तर्गत राष्ट्रिय आपत्कालीन कार्य सञ्चालन केन्द्रका प्रमुख मुरारी ओस्तीले जानकारी दिएका छन् ।
शुक्रबार संघीय संसदका सभामुख अग्निप्रसाद सापकोटा र गृहमन्त्री रामबहादुर थापाले पहिराग्रस्त क्षेत्र पुगेर स्लथगत अनुगमन गरेका छन् ।
पाँच घाइतेलाई उपचार गरेर अस्पताल ल्याइएको छ । सरकारबाट टेन्ट त्रिपालसहित केही राहत सामग्रीसमेत पु¥याइएको छ । ओस्तीका अनुसार कालीकोटको महावै गाउँपालिका–३ नकुमा पनि पहिरामा परेर एकै परिवारका छ जनाको मृत्यु भएको छ । यहाँ दुईजना घाइते छन् । माथिबाट पहिराले उनीहरुको घर थिचेको थियो । मकवानपुरको थाहा नगरपालिका–१२ गैरीगाउँस्थित एक ढुङ्गाखानीमा माथिबाट पहिरो खस्दा शुक्रबारै एक जनाको मृत्यु भएको ओस्तीले जानकारी दिए । यहाँ एउटा स्काभेटर र टिप्परमा क्षति भएको छ ।
यो वर्षको वैशाखदेखि आजसम्म पहिरामा परेर २सय ६ जनाको मृत्यु भइसकेको छ । अझै ७१ जना बेपत्ता छन् । १ सय ६० भन्दा बढी घाइते भएका छन् ।