घट्यो सुनको मोल

७ भदौं ०७७,काठमाडौं । नेपाली बजारमा आज(आइतबार) सुनको मूल्यमा सामान्य ह्रास आएको छ । नेपाल सुनचाँदी व्यवसायी महासङ्घका अनुसार पहेँलो धातुको मूल्यमा प्रतितोला रु ४ सयले गिरावट आएको हो ।
महासङ्घले छापावाला सुनको मूल्य प्रतितोला रु ९८ हजार ४ सया तोकेको छ । तेजाबी सुनको मूल्य भनेप्रतितोला ९७ हजार ९ सय निर्धारण गरिएको छ । शुक्रबार स्थानीय बजारमा छापावाला सुनको मूल्य प्रतितोला रु ९८ हजार ८ सय र तेजाबी सुनको मूल्य प्रतितोला रु ९८ हजार ३ सय कायम थियो ।
सुनसँगै चाँदीको मूल्यमा पनि सामान्य गिरावट आएको छ । चाँदी प्रतितोला रु २५ ले घटेर १ हजार ३ सय ४५ पुगेको महासङ्घले जनाएको छ ।