ललितपुरमा मंगलबार भेटिए ४५ कोरोना संक्रमित

९ भदौं ०७७, ललितपुर । ललितपुरमा मंगलबार ४५ जनामा कोरोना संक्रमण भेटिएको छ । स्वास्थ्य कार्यालय ललितपुरका अनुसार १३ महिला र १७ पुरुषसहित ललितपुर महानगरपालिकामा ३० कोरोना संक्रमित फेला परेका छन् ।
महालक्ष्मी नगरपालिकामा ११ जना संक्रमित भेटिएका छन् । ५ महिला र ६ पुरुषमा कोरोना भेटिएपछि महालक्षमीमा कुल ११ संक्रमित फेला परेका हुन् । गोदावरीनगरमा भने ४ जना पुरुषमा कोरोना देखिएको स्वास्थ्य कार्यालयले सार्वजनिक गरेको तथ्याङ्कमा उल्येख छ ।
यो तथ्याङ्कसहित ललितपुर जिल्लामा मात्रै ५ सय ३२ जनामा संक्रमण देखिएको छ । यी मध्ये २ सय २१ महिला र ३ सय ११ जनामा कोरोना संक्रमण फेला परेको छ ।