बुधबार एकै दिन कोरोना भाइरसबाट ११ को मृत्यु

१० भदौं ०७७, काठमाडौं । बुधबार कोरोना भाइरसका कारण ११ जनाको मृत्यु भएको छ । अहिलेसम्म देशभर सङ्क्रमणका कारण मृत्यु हुनेको सङ्ख्या १ सय ७५ पुगेको छ ।
बुधबार सार्वजनिक गरिएको बिवरणअनुसार, मृत्यु हुनेमा दुई महिला र नौ पुरुष छन् । मृत्यु हुनेमा मोरङ र भक्तपुरका एकएक महिला छन् । पछिल्लो २४ घण्टामा मृत्यु भएका पुरुषमा महोत्तरीका तीन कैलालीका दुई, बाराका दुई, बाँके र काठमाडौँका एक पुरुष छन् ।
छ जिल्लमा ५ सय भन्दा बढी सङ्क्रमित, दुईमा सून्य
आजसम्म देशभरका ७७ जिल्लामध्ये छ जिल्लामा सङ्क्रमित ५ सयभन्दा बढी छन् भने दुई जिल्लामा सून्य रहेको छ । पाँच सयभन्दा बढी सङ्क्रमित रहेका जिल्लामा मोरङ, रौतहट, बारा, सर्लाही महोतरी र काठमाडौँ रहेका छन् । हाल सङक्रमितको सङ्ख्या सून्य रहेका जिल्लाहरुमा मुस्ताङ र हुम्ला रहेका छन् ।