राजधानीमा शुक्रबार ४ सय ५४ कोरोना संक्रमित

१९ भदौ ०७७, काठमाडौं । शुक्रबार काठमाडौं उपत्यकामा ४ सय ५४ जनामा कोरोना संक्रमित फेला परेका छन् । स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलन मार्फत दिइएको जानकारी अनुसार काठमाडौं जिल्लामा ३ सय ८६, भक्तपुरमा ३६ र ललितपुरमा ३२ जना संक्रमित भेटिएका हुन् ।
पछिल्लो २४ घण्टामा देशभरमा १ हजार ३ सय ५९ जना संक्रमित फेला परे । १३ हजार ६ सय ३८ जनाको पीसीआर परीक्षणपछि यो संख्या पुष्टि भएको हो । अहिलेसम्म देशभर जम्मा कोरोना संक्रमितको संख्या ४४ हजार २ सय ३६ जना पुगेको छ ।