काठमाडौं उपत्यकामा झण्डै ६ सय कोरोना संक्रमित

२८ भदौ ०७७, काठमाडौं । काठमाडौं उपत्यकामा निरन्तर कोरोना संक्रमितको संख्या बढ्दै गइरहेको छ । उपत्यकामा आइतबार ५ सय ९७ जनामा कोरोना भाइरसको संक्रमण भेटिएको छ ।
स्वास्थ्य तथा जनसंख्या मन्त्रालयमा आइतबार आयोजित पत्रकार सम्मेलनमा मनत्रालयका प्रवक्ता डा जागेश्वर गौत्तमले काठमाडौंका ४ सय ८३ जना, भक्तपुरका ८१ जना र ललितपुरका ३३ जनामा कोरोना संक्रमण भेटिएको जानकारी दिएका हुन् ।
पछिल्ला दिनहरुमा ललितपुर र भक्तपुरमा कोरोना संक्रमित तुलनात्मक रुपमा कम देखिए पनि काठमाडौं जिल्लामा भने स्थिती भयावह छ ।
काठमाडौं जिल्लामा आइतबारै ६ जनाको निधन भएको छ ।