काठमाडौं उपत्यकामा कोरोना संक्रमित अहिलेसम्मकै धेरै

१३ असोज ०७७,ललितपुर । मंगलबार साँझअघि २४ घण्टाभित्र राजधानीमा ९ सय ३४ जनामा कोरोना भाइरसको संक्रमण भएको छ ।
मंगलबार स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा मन्त्रालयका प्रवक्ता डा जागेश्वर गौत्तमले काठमाडौंमा ७ सय ४७ जना, ललितपुरमा १ सय १४ जना र भक्तपुरमा ७३ जनामा कोरोना संक्रमण पुष्टि भएको जानकारी दिएका छन्
तुलनात्मक रुपमा न्युन रहेको ललितपुरमा समेत पछिल्ला दिनहरुमा कोरोना संक्रमितको संख्या बढ्नुले ललितपुरमा समेत कोरोना संक्रमण फैलिरहेको पुष्टि हुन्छ मंगलबार ललितपुरमा एकैदिन १ सय ३७ जनामा कोरोना संक्रमण भएको थियो ।
मंगलबार देशभर १ हजार ५ सय १३ जनामा कोरोना भाइरस भेटिएको डा गौत्तमले पत्रकार सम्मेलनमा बताएका छन् ।