ललितपुरमा विहीबार ८२ जनामा कोरोना संक्रमण फेला,कुन पालिकामा कति

लपु संवाददाता
२९ असोज ०७७, चापागाँउ ः ललितपुरमा विहीबार १ सय २ जनामा कोरोना संक्रमण फेला परेको छ ।
स्वास्थ्य कार्यालय ललितपुरका अनुसार २७ जना महिला र ५५ जना पुरुष सहित ललितपुर महानगरपालिकामा ८२ जनामा कोरोना संक्रमण पुष्टि भएको हो ।
विहीबार ललितपुर महानगरपछि धेरै कोरोना संक्रमण भेटिने पालिकामा महालक्ष्मी नगरपालिका रहेको छ । यहाँ ६ जना महिला र १३ जना पुरुषसहित १९ जनामा कोरोना संक्रमण पुष्टि भएको छ ।
गोदावरी नगरमा भने १ जना पुरुषमा कोरोना पुष्टि भएको छ । योसँगै ललितपुरमा कोरोना पुष्टिहुनेहरुको संख्या ५ हजार २ सय ६० पुगेको छ। कोरोना संक्रमणका कारण निधन हुनेहरु २४ जना पुगिसकेका छन् ।
ललितपुरमा अहिले संक्रिय संक्रमित २हजार ५ सय ४० जना छन् । कोरोना संक्रमणबाट मुक्त हुनेहरु २हजार ६ सय ७२ छन् ।