बानेश्वर फिडर बन्द, लुभुसम्मै विद्युत् काटियो

१४ कात्तिक ०७७, ललितपुर । शुक्रबार विद्युत् प्राधिकरणले मर्मत गर्न भन्दै उत्तरपुर्वी ललितपुरको लुभु क्षेत्रमा विद्युत् काटेको छ ।
सूचना मार्फत दिईएको जानकारी अनुसार शुक्रबार १२ बजेबाट ३ बजेसम्म विद्युत् अवरुद्ध हुनेछ ।
बानेश्वर सबस्टेसनको लुभु फिडर बालकुमारीबाट इमाडोल टिकाथलि जाने पुल निर्माणको लागि लाईन सिफ्ट गर्नका लागि बालकुमारी चोक पुल अगाडि जम्फर खोल्नका लागि विद्युत् अवरुद्ध गरिएको प्राधिरणको भनाई छ ।
विद्युत् काटेपछि समुन्द्र सेतु स्कूल वरिपरि भगवानथान,बोगटेश्वर मन्दिर वरिपरि,हनुमन्ते खोला किनार,बग्लागाउ वरिपरि विजुली जानेछ । समयअघि नै काम सकिए चाडै विद्युत् सुचारु हुने विद्युत् प्राधिकरण ललितपुरले जानकारी दिएको छ ।