विहीबार एक हजार ९१३ मा कोरोना पुष्टि

२७ कात्तिक ०७७, काठमाडांै । गएको २४ घण्टामा मुलुकभर एक हजार ९ सय १३ जनामा कोरोना भाइरस सङ्क्रमण पुष्टि भएको छ । देशभरका प्रयोगशालामा १० हजार २२ नमूना परीक्षण गरिएकामा ७ सय ५९ महिला र एक हजार १ सय ५४ पुरुषमा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनकारी दिएको छ ।
नेपालमा अहिलेसम्म कोरोना सङ्क्रमितको संख्या दुई लाख चार हजार २ सय ४२ पुगेको छ । आज दुई हजार ३ सय ४९ जना कोरोना सङ्क्रमण मुक्त भएको मन्त्रालयको तथ्याङ्कमा उल्लेख छ । हालसम्म कोरोना सङ्क्रमण मुक्त हुनेको सङ्ख्या एक लाख ६४ हजार ५ सय ९२ पुगेको छ । पछिल्लो २४ घण्टामा कोरोनाबाट १५ जनाको मृत्यु भएसँगै कोरोनाबाट हालसम्म मृत्यु हुनेको सङ्ख्या एक हजार १ सय ८९ पुगेको मन्त्रालयले जनाएको छ । मन्त्रालयका अनुसार हाल मुलुकभर संक्रिय सङ्क्रमितको सङख्या ३८ हजार ४ सय ६१ पुगेको छ ।