ललितपुर नखिपोटका भण्डारी पटकासहित पक्राउ

काठमाडौं, ३० कात्तिक ०७७, नखिपोट ललितपुर । ललितपुर महानगरपालिका १४ नखिपोटस्थित शिव चोकमा रहेको भण्डारी स्टोरका संचालक ३४ वर्षीय रामराजा भण्डारी लगायत ५ जनालाई ५५ पिस सानो पटाका, १ पिस चक्र, १ प्याकेट रकेट र २० वटा गमला पटाका सहित शनिबार दिउँसो प्रहरीले पक्राउ गरेको हो ।
महानगरीय प्रहरी वृत्त सातदोबाटोबाट खटिएको प्रहरीले उनीहरुलाई उक्त परिमाणको पटाका सहित पक्राउ गरेको हो ।
दशैं तिहार पर्वको अवसरमा पटका पड्काउने चलन छ । प्रहरीले सूचना प्रकाशित गरी पटका र आतिसवाजी नपड्काउन अनुरोध गरेको थियो ।
यस्ता विष्पोटक पर्दाथ प्रयोग गर्दा तिहारको बेला आगदागी जस्ता दुर्घटना बढ्ने गर्दछ । भण्डारीमा सम्बन्धमा प्रहरीले थप अनुसन्धान गरिरहेको प्रहरीले वताएको छ ।