देशभर भेटिए १ हजार ७ सय ३ कोरोना संक्रमित

१२ मंसिर ०७७, काठमाडौं । गएको २४ घण्टामा देशभरका प्रयोगशालामा गरिएको परिक्षणपछि १ हजार ७ सय ३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार ४ सय ६० जनामा पीसीआर परीक्षण गर्दा १ हजार ७ सय ३ जनामा संक्रमण पुष्टि भएको हो ।
यससँगै नेपालमा कोरोना भाइरस संक्रमितको कुल संख्या २ लाख २९ हजार ३ सय ४३ पुगेको स्वास्थ्य मन्त्रालयले जानकारी दिएकोे छ ।
गएको २४ घण्टामा कोरोना भाइरस निको हुनेको संख्या भने १ हजार २ सय ३६ रहेको छ । अहिलेसम्म २ लाख ९ हजार ४ सय ३५ जना संक्रमणमुक्त भएका छन् ।