ललितपुरमा आइतबार ६८ जनामा कोरोना संक्रमण

१४ मंसिर ०७७, ललितपुर । आइतबार ललितपुरमा ६८ जनामा कोरोना संक्रमण फेला परेको छ ।
स्वास्थ्य कार्यालय ललितपुरका अनुसार ३० महिला र ३८ पुरुषसहित ललितपुरका यो संख्यामा कोरोना संक्रमित फेला परेका हुन् ।
आज आइतबार पनि ललितपुर महानगरमा पहिलेजस्तै धेरै संक्रमित भेटिएका छन् । यहाँ २२ महिला र २४ पुरुषसहित ४६ जनामा कोरोना भेटिएको स्वास्थ्य कार्यालयले सार्वजनिक गरेको तथ्याङ्कमा उल्येख छ ।
महालक्ष्मी नगरमा ६ महिला र ११ पुरुष सहित जम्मा १७ जना संक्रमित भेटिए । गोदावरी नगरमा भने २ जना महिला र ३ जना पुरुष सहित ५ जना मात्रै संक्रमित फेला परे ।
ललितपुरको दक्षिणी भेगमा आइतबार कुनै संक्रमित भेटिएनन् ।
अहिलेसम्म यो जिल्लामा १२ हजार ७ सय ९८ जनामा कोरोना देखिसकेको छ । १० हजार ९ सय ८ जनालाई कोरोना निको भइसक्यो भने १ हजार ७ सय ५३ जना अझै कोरोना निको हुन बाँकी छन् ।
ललितपुरमा १ सय ३७ जनाको कोरोना संक्रमणपछि मृत्यु भइसकेको छ ।