चोरीको बहाना गरी प्रहरी झुक्याउने पोडे पक्राउ

१५ मंसिर ०७७, सातदोवाटो, ललितपुर । गत आइतबार ललितपुर महालक्ष्मी १ की कान्छी पोडे गरगहना र नगद चोरीको बहाना बनाएर प्रहरीलाई झुक्याएको आरोपमा पक्राउ परेकीछिन् ।
पोडेले गत सोमबार २ बजेतिर ललितपुर सातदोवाटो बृत्तमा चोरी भएको भन्दै मौखिक जानकारी दिएपछि भएको अनुसन्धानको क्रममा आफैले सरसामान लुकाएको फेला परेको प्रहरीले जानकारी दिएको छ । पोडेले नगद रू.२६,००,०००।– (छबीस लाख), २ तोला सुनको सिक्री थान १, १ तोलाको सुनको सिक्री थान १, २ तोलाको हातमा लगाउने बाला थान १, कानमा लगाउने झुम्का आधा तोला १ जोर, ५ तोलाको चाँदीको पाउजु १ जोर र २० तोलाको चाँदीको मन्दिर चोरिएको उजुरी दिएकी थिइन् ।
वृत्त सातदोबाटोबाट प्रहरी नायब उपरीक्षकको कमाण्डमा प्रहरी टोली खटिई घटनास्थलमा पुगेर हेर्दा ढोका फोरिएको, दराज फोरिएको, सामानहरु छरपष्ट अवस्थामा रहेको थियो । प्रहरीले घटना स्थलमा अनुसन्धान गर्ने क्रममा ढोका र दराज फोडिईएको, सामानहरु छरपष्ट अवस्थामा रहेको थियो । प्रहरीले चोरी भएको घटना बारेमा सुक्ष्म रुपमा अनुसन्धान गर्दा घटनास्थल चोरी भएकै जस्तो देखिएको भएपछि शंका लागि त्यस घर खान तलासी गर्दा चोरी भएको भनिएको नगद र गर गहना सहितका सामानहरु अर्को तल्लामा कोठामा रहेको स्टिलको दराजको सेफ भित्र लुकाएको अवस्थामा भेटिएको थियो ।
चोरी भयो भनि झुठा अफवाह फैलाउने घर धनी कान्छी पोडेमाथि थप अनुसन्धान भई रहेको प्रहरीले जनाएको छ ।