घटेको सुनको भाउ फेरि बढ्यो

१८ मंसिर ०७७, काठमाडौं । आज (बिहीबार) नेपाली बजारमा सुनको भाउ फेरि बढेको छ । लगभग ७० हजार प्रतितोला रहेको सुनको भाउ केही समयअघि समय बढेर एक लाखको वरपर पुगेको थियो ।
पछिल्लो समय लगातार घटेर ९० हजार वरपर पुगेको सुन फेरि बढ्न थालेको हो ।
(हिजो)बुधबार सुनको मूल्य ९१ हजार रुपैयाँमा कारोबार भएको थियो । आज भने तोलामै १६ सयले बढेर ९२ हजार ६ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघकाअनुसार आजे तेजावी सुनको बजारभाउ ९२ हजार १ सय ५० रहेको छ । आज चाँदीको मूल्य प्रतितोला १२ सय ५ रुपैयाँ रहेको महासंघले जनाएको छ ।