सुनको मूल्यमा ८ सयको वृद्धि

१ पुस ०७७,काठमाडौं । स्थानीय बजारमा आज सुनको मूल्यमा प्रतितोला रु ८ सयले उकालो लागेको छ । पछिल्ला केही दिन झण्डैझण्डै स्थिर जस्तै रहेको सुनको मूल्यमा आज (बुधबार) भने वृद्धि देखिएको हो ।
नेपाल सुनचाँदी व्यवसायी महासङ्घका अनुसार आज छापावाला सुन प्रतितोला रु ९३ हजार १ सयमा कारोबार भएको छ । मङ्गलबार छापावाला सुन प्रतितोला रु ९२ हजार ३ सयमा कारोवार भएको थियो । मङ्गलबारको तुलनामा प्रतितोला रु ८ सयले उकालो लागेको महासङ्घले जनाएको छ ।
तेजाबी सुन आज प्रतितोला रु ९२ हजार ६ सय ५० मा कारोवार भएको छ । मङ्गलबार भने रु ९१ हजार ८ सय ५० मा कारोवार भएको थियो । यस्तै, चाँदीमा पनि प्रतितोला रु ३० ले वृद्धि भएको छ । मङ्गलबार रु एक हजार २ सयमा कारोबार भएको चाँदी आज भने एक हजार २ सय ३० मा कारोबार भएको छ ।