बुङ्गमती बसपार्कमा भेटियो युवकको लास (राजधानीका अपराधहरु)

८ पुस ०७७, बुङ्गमती । ललितपुर महानगरपालिका २२ स्थित बुङ्गमती बसपार्क नजिक एक युवक मृत अवस्थामा भेटिएका छन् । वसपार्क नजिकै रहेको युके इँटाभट्टा नजिक खोल्सामा अहिलेसम्म नाम, थर, वतन नखुलेका करिब २२ वर्षीय पुरूष बुधबार बिहान मृत अवस्थामा फेला परेका हुन् ।

यस घटनाका सम्बन्धमा बुङ्गमती प्रहरीले अनुसन्धान गरिरहेको बताएको छ ।

फपिङ्गमा चोरी
काठमाडौंको फर्पिङ्गका ३ ठाँउमा चोरी भएको छ । दक्षिणकाली नगरपालिका ५ फर्पिङस्थित फर्पिङ बचत तथा ऋण सहकारी संस्था र सहकारीसँग जोडिएको फर्पिङ फ्रेस हाउसमा मंगलबार राति चोरी भएको हो ।
यस सहकारीको क्यास काउन्टरबाट नगद ६ हजार रुपैयाँ र फ्रेस हाउसबाट नगद र विभिन्न सामान गरी करिब १ लाख ५५ हजार रुपैयाँ बराबरको धनमाल चोरी भएको हो ।
चोरीमा संलग्न व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।

इपिस दिने नक्कली परिक्षर्थी पक्राउ

विभिन्न समयामा ईपिएस परीक्षामा नक्कली परीक्षार्थी बनी ठगीमा संलग्न रहेको अभियोगमा सुनसरी धरान उपमहानगरपालिका १९ घर भई काठमाडौं महानगरपालिका ५ रुद्रमतीमार्ग, कालोपुल बस्ने ५१ वर्षीय उत्तममान लिम्बुलाई मंगलबार प्रहरीले पक्राउ गरेको छ ।
क्ज्भ्ल्क्भ्न्ब्भ् ऋइल्क्ग्ीत्ब्ल्ऋथ् बागबजार काठमाडौंमा कोरियन भाषाको प्रशिक्षकको रुपमा काम गर्ने उत्तम मान समेतले विभिन्न समयमा कोरियन भाषाको ईपिएस परीक्षामा सहभागी हुन आएका विद्यार्थीहरूलाई प्रभाव तथा प्रलोभनमा पारी विद्यार्थीहरुको प्रवेश पत्रमा आफ्नो फोटो राखी परीक्षा दिई उत्तिर्ण हुने र प्रतिव्यक्ति ७ लाख रुपैयाँसम्म लिई विद्यार्थीहरुलाई कोरिया पठाउने कार्यमा वर्षौदेखि संलग्न रहँदै आएको खुल्न आएको छ ।
विशेष सूचना आधारमा महानगरीय अपराध महाशाखाबाट खटिएको प्रहरीले उत्तममानलाई पक्राउ गरी आवश्य्क कारवाहीको लागि महानगरीय प्रहरी परिसर, काठमाडौं पठाइएको जनाएको छ ।