चिनियाँ विदेश उपमन्त्रीको टोली नेपालमा

१२ पुस ०७७, काठमाडौं । चिनियाँ विदेश मन्त्रालयका उपमन्त्री गुओ यझाउको टोली नेपाल आइपुगेको छ । नेपाल कम्युनिस्ट पार्टीमा राजनीतिक सङ्कट गहिरिँदै गएका बेला चिनियाँ कम्युनिस्ट पार्टीको अन्तर्राष्ट्रिय विभागका उपमन्त्री गुओ येचौको नेतृत्वको टोलीकाठमाडौं आएको हो ।

चिनियाँ टोलीको यो भ्रमणबारे परराष्ट्र मन्त्रालयले औपचारिक रुपमा कुनै पनि जानकारी गराएको छैन । यद्यपि उपमन्त्री गुओसहित चार जनाको टोलीले नेकपाका शीर्ष नेताहरूसँग भेटघाट गर्ने कार्यक्रम रहेको छ ।

नेकपा विभाजनपछि चिनियाँ राजदूतको अनपेक्षित सक्रियता बढेको भनेर सर्वत्र आलोचना भइरहेका वेला हुन लागेको उनको नेपाल भ्रमणलाई निकै चासोपूर्वक हेरिएको छ । नेपाल भ्रमणमा रहँदा प्रधानमन्त्री केपी ओली, नेकपाका अध्यक्ष पुष्पकमल दाहाल ‘प्रचण्ड’, माधवकुमार नेपाललगायत नेतालाई भेट गर्ने कार्यक्रम रहेको छ ।