चापागाँउमा जुध्यो टिपर र मोटरसाइकल

ललितपुर खबर
१३ पुस ०७७, चापागाँउ । चापागाँउमा सोमबार विहान टिपर र मोटरसाइकल जुधेका छन् । चापागाँउ बजारबाट टिकाभैरवतर्फ गइरहेको वा ८४ प ३२७७ नम्बरको मोटरसाइकल र वा ५ ख ४६६२ नम्बरको टिपर ठोकिदा टाहाखेल बस्ने मोटरसाइकल चालक चापागाँउ टाहाखेलका रविन्द्र दियाली घाइते भएका छन् ।
घाइतेको बज्रवाराही चापागाँउ अस्पतालमा उपचारका लागि लगिएको घटनास्थलमा भेटिएका महानगरिय प्रहरी बृत्तका एक प्रहरीले बताएका छन् । उनका अनुसार घाइतेको खुट्टामा चोट लागेको छ । मोटरसाइकलमा भने सामान्य क्षति पुगेको छ । प्रहरीका अनुसार टिपर चालकलाई प्रहरी बृत्तमा राखिएको छ । भने टिपर र मोटरसाइकल पनि नियन्त्रणमा लिएर बृत्तमा राखिएको छ ।
विहान अफिस समयमा दुर्घटना हुँदा टाहाखेल क्षेत्रमा केही समय ट्राफिक जाम भएको थियो ।