भक्तपुरको मन्दिरबाट मुकुट र चाँदीको माला चोरी

१३ पुस ०७७, भक्तपुर । भक्तपुरको एक मन्दिरबाट चोरीएको छ । भक्तपुर नगरपालिका ४ गहिटी जंगम मठबाट भद्रकालीको मुकुट, चाँदीको मालालगायत बिभिन्न सामानहरू गरेर करिब १ लाख ८६ हजार रुपैयाँ मूल्य बराबरको धनमाल आइतबार राति चोरी भएको हो । चोरीमा संलग्न फरार व्यक्तिहरूको खोजी भइरहेको प्रहरीले बताएको छ ।
साथै यस चोरी घटनाको प्रहरीले थप अनुसन्धान गरिरहेको छ ।
गोदावरीमा भेटियो चरेस, २ जना पक्राउ
गोदावरी नगरपालिका २ स्थित सुमन होटलबाट करिब १ किलो ८ सय ५० ग्राम अवैध लागूऔषध चरेश सहित २ जनालाई सोमबार बिहान प्रहरीले पक्राउ गरेको छ ।
पक्राउ पर्नेहरूमा होटल सञ्चालक सोही नगरपालिका १० खमौरा बस्ने २९ वर्षीय ओम बहादुर सिंह र बैतडी पुर्चौडी नगरपालिका(७ बस्ने २५ वर्षीय महेश साउद रहेका छन् । बिशेष सूचनाको आधारमा जिल्ला प्रहरी कार्यालय कैलाली र ईलाका प्रहरी कार्यालय मालाखेतीबाट खटिएको प्रहरीले उनीहरूलाई उक्त चरेशसहित फेला पारी पक्राउ गरेको हो ।