पाटन अस्पताल अगाडि नै भेटियो लागु औषध

१५ पुस ०७७, पाटन । ललितपुर महानगरपालिका ५ पाटन अस्पताल अगाडि सडक किनारबाट नियन्त्रित लागूऔषध ३ सय एम्पुल डाईजेपाम, ३ सय एम्पुल बुप्रेनोर्फिन र ३ सय एम्पुल फेनारगनसहित भारत बिहार ठेगाना भएका २३ वर्षीय जमाल आलमलाई बुधबार बिहान प्रहरीले पक्राउ गरेको छ । लागूऔषध नियन्त्रण ब्यूरो कोटेश्वरबाट खटिएको प्रहरीले उनलाई यो लागूऔषध सहित फेला पारी पक्राउ गरेको हो ।

साथै ललितपुर महानगरपालिका ११ बंगलामुखी मन्दिर अगाडि सडक किनारबाट नियन्त्रित लागूऔषध ९० एम्पुल डाईजेपाम, ९० एम्पुल बुप्रेनोर्फिन र ९० एम्पुल फेनारगन सहित ललितपुर महानगरपालिका २० बस्ने ३५ वर्षीय सुरेश खड्कीलाई मंगलबार साँझ प्रहरीले पक्राउ गरेको छ । लागूऔषध नियन्त्रण ब्यूरो कोटेश्वरबाट खटिएको प्रहरीले उनलाई लागूऔषध सहित फेला पारी पक्राउ गरेको हो ।