फेरि बढ्यो सुनको मूल्य

२२ पुस ०७७, काठमाडौं । स्थानीय बजारमा आज सुनको मूल्य प्रतितोला रु सयले उकालो लागेको छ । पछिल्ला दिनमा लगातार उकालो लागेको पहेंलो धातुको मूल्यमा आजको वृद्धिसँगै पुनः नयाँ उचाइमा पुगेको छ ।
प्रतितोला रु ९६ हजार ४ सयमा मङ्गलबार कारोवार भएको छापावाला सुन आज रु ३ सयले वृद्धि भई रु ९६ हजार ७ सयमा पुगेको छ ।
तेजाबी सुन मङ्गलबार प्रतितोला रु ९५ हजार ९ सयमा कारोवार भएकामा आज रु ९६ हजार २ सयमा कारोवार हुने गरी मूल्य निर्धारण भएको छ ।
चाँदीमा भने प्रतितोला रु पाँचले उकालो लागेको छ ।
प्रतितोला रु एक हजार ३ सय ३५ मा मङ्गलबार कारोवार भएको चाँदी आज भने प्रतितोला रु एक हजार ३ सय ४० मूल्य निर्धारण भएको नेपाल सुन चाँदी व्यवसायी महासङ्घले जनाएको छ ।