सुन घट्यो ८ सय रुपैयाँ

२७ पुस ०७७, काठमाडौं । आइतबार तोलामा रु दुई हजार ३ सयले ओरालो लागेको सुनको मूल्य सोमबार पुनः रु ८ सयले घटेको छ । नेपाल सुनचाँदी व्यवसायी महासङ्घका अनुसार आज छापावाल सुन प्रतितोला रु ९२ हजार २ सयमा कारोवार गर्ने गरी मूल्य निर्धारण गरिएको छ । आइतबार छापावाल सुन तोलामा रु ९३ हजारमा कारोवार भएको थियो ।

तेजाबी सुन आजका लागि तोलामा रु ९१ हजार ७ सय तोकिएको छ । आइतबार तोलामा रु ९२ हजार ५ सयमा कारोवार भएको थियो । चाँदी तोलामा रु ४० ले घटेको छ । आइतबार रु एक हजार २ सय ७० मा कारोवार भएको चाँदी आज भने रु एक हजार २ सय ३० मा कारोवार हुने गरी मूल्य निर्धारण गरिएको छ ।