आजदेखि कोरोनाविरुद्धको चिनियाँ खोप लगाइँदै, ललितपुरका यी तीन अस्पतालमा लगाइने

२५ चैत ०७७, ललितपुर । चीनले अनुदानमा दिएको कोभिड–१९ विरुद्धको भेरोसेल खोप आजदेखि लगाइँदै छ । चीन सरकारले अनुदानमा दिएको ८ लाख डोज खोप बुधबारदेखि २३ वटा खोप केन्द्रबाट दिन लागिएको हो । उक्त खोप पहिलो चरणमा १८ देखि ५९ वर्ष उमेर समूहका प्राध्यापक, चीनमा छात्रवृत्तिमा अध्ययन गर्ने नेपाली विद्यार्थी र नेपाली व्यापारीलाई लगाइने स्वास्थ्य तथा जनसंख्या मन्त्रालयले जनाएको छ ।

त्यस्तै यसअघि खोप लगाउन छुटेका अग्रपंक्तिमा खटिने जनशक्ति, अत्यावश्यक सेवामा काम गर्ने कर्मचारी, होटल, ट्रेकिङ, विज्ञापन, इन्टरनेट, औषधि, फलफुल र तरकारी व्यवसाय गर्ने व्यक्तिहरुलाई पनि खोप दिइने मन्त्रालयले जनाएको छ । काठमाडौँ, ललितपुर, भक्तपुर, काभ्रे, सिन्धुपाल्चोक, नुवाकोट र रसुवा जिल्लाका २३ स्थानमा खोप अभियान सञ्चालन हुने मन्त्रालयले जनाएको छ । ललितपुरका पाटन स्वास्थ्य विज्ञान प्रतिष्ठान, ललितपुर, किष्ट मेडिकल कलेज, ललितपुर र आनन्दवन अस्पताल, ललितपुरमा खोप लगाइँदैछ ।

हेर्नुहोस् कुन कुन अस्पतालमा लगाइन्छ खोप