चौमतीमा आफ्नै श्रीमतीको हत्यापछि श्रीमान् गोतामे पक्राउ

२० साउन ०७८, काठमाडौं । आफ्नै श्रीमती २८ वर्षीया बबिता राईको हत्या गरेको अभियोगमा काठमाडौं महानगरपालिका १६ चौमती डेरा गरी बस्ने नुवाकोट तादी गाउँपालिका २ सातबिसे घर भएका ३३ वर्षीय रामेश्वर गोतामेलाई बुधबार बिहान प्रहरीले पक्राउ गरेको छ ।
रामेश्वरले मंगलबार राति आफ्नै श्रीमतीको हत्या गरेको भन्ने खबर पाएपछि महानगरीय प्रहरी वृत्त बालाजुबाट खटिएको प्रहरीले उनलाई पक्राउ गरेको हो । यस घटनाको सम्बनधमा प्रहरीले अनुसन्धान सुरु गरेको जानकारी दिएको छ ।