चावहिलमा बसले ठक्कर दिंदा एक बृद्धको मृत्यु

८ कात्तिक ०७८, काठमाडौं । काठमाडौंको चावहिलमा एक बसले पैदलयात्रीलाई ठक्कर दिदा एक बृद्धको मृत्यु भएको छ ।
प्रहरीका अनुसार काठमाडौं महानगरपालिका ७ चाबहिल पिपलबोटस्थित सडकमा बा.५ ख ६४०० नम्बरको बसको ठक्करबाट पैदलयात्री भक्तपुर घर भएकी ७२ वर्षीया सानु माया पासाजुको आइतबार दिउँसो मृत्यु भएको छ ।
ठक्करबाट गम्भीर घाइते भएकी उनको मेडिकेयर अस्पताल चाबहिलमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएर अनुसन्धान गरिरहेको प्रहरीले जानकारी दिएको छ ।