चार सय रुपैयाँले बढ्यो सुनको भाउ

२६ कात्तिक  ०७८, काठमाडौं । नेपालको सुनचाँदी बजारमा छापावाल सुनको मूल्य आज प्रतितोला ४ सय रुपैयाँले उकालो लागेर ९४ हजार ४ सय रुपैयाँ पुगेको छ । सुन बिहीबार प्रतितोला ९४ हजार रुपैयाँमा कारोबार भएको थियो ।

नेपाल सुनचाँदी व्यवसायी महासङ्घका अनुसार तेजाबी सुनको मूल्य प्रतितोला ९३ हजार ९ सय रुपैयाँ रहेको छ । यसको मूल्य अघिल्लो दिन प्रतितोला ९३ हजार ५ सय रुपैयाँ तोकिएको थियो ।

त्यस्तै आज चाँदीको मूल्य बिहीबारका तुलनामा रु १५ ले उकालो लागेर एक हजार २८५ तोकिएकोे छ । चाँदी बिहीबार प्रतितोला रु एक हजार २७० मा कारोबार भएको थियो ।