उपत्यकामा १२२ सहित नेपालमा थप ३१५ जनामा कोरोना पुष्टि

२१ मंसिर ०७८, काठमाडौं ।  पछिल्लो २४ घण्टामा नेपालमा ३१५ जनामा कोरोनाभाइरस संक्रमण पुष्टि भएको छ । सोही अवधिमा ३०४ जना निको भएका छन् । पछिल्लो २४ घण्टामा ११ हजार ८१० जनाको नमुना परीक्षण भएको थियो । यसैगरी पछिल्लो २४ घण्टामा २ जनाको कोरोनाका कारण मृत्यु भएको छ ।
नेपालमा सक्रिय संक्रमितको संख्या ६ हजार ३५२ रहेको स्वास्थ्य मन्त्रालयले जनाएको छ।
काठमाडौं उपत्यकामा १२२ जना कोभिड १९ संक्रमित थपिएका छन् ।

आज काठमाडौंमा ८२ जना, भक्तपुरमा ९ जना र ललितपुरमा ३१ जना संक्रमित थपिएका हुन् । योसँगै काठमाडौंमा सक्रिय संक्रमितको संख्या एक हजार ६१७ पुगेको छ । देशभर ६ हजार १३ जना होम आइसोलेसनमा, ३३९ जना संस्थागत आइसोलेसनमा, १२३ जना आइसीयू तथा ३० जना भेन्टिलेटरमा रहेको स्वास्थ्य तथा जनसंख्या मन्त्रालयले जनाएको छ ।

८७ लाख बढीले लगाए कोरोनाविरुद्धको पूर्ण खोप नेपालमा हालसम्म ८७ लाख बढीले कोरोनाभाइरस विरुद्धको पूर्ण मात्रा खोप लगाएका छन् । स्वास्थ्य तथा जनसंख्या मन्त्रालयका अनुसार मंगलबारसम्म ८७ लाख ८० हजार ४३३ जनाले पूर्ण मात्रा खोप लगाएका हुन् । यस्तै पहिलो डोज मात्रै खोप लगाउनेको संख्या १ करोड ५० लाख ४ हजार ७६४ पुगेको मन्त्रालयले जनाएको छ ।
पहिलो र दोस्रो डोज गरी हालसम्म १ करोड ९२ लाख ८५ हजार १९७ मात्रा खोप लगाइसकेको मन्त्रालयको भनाइ छ । मन्त्रालयका अनुसार पछिल्लो २४ घण्टामा १ लाख २७ हजार ७५३ मात्रा खोप लगाइएको छ ।
यसैगरी