सुनको मूल्य घट्यो

४ पुस०७८, काठमाडौं । आइतबार सुनको मूल्य घटेको छ। साताको पहिलो दिन आज आइतबार छापावाला सुन प्रतितोला ४ सय रुपैयाँ घटेको हो।
शुक्रबार ९४ हजार रुपैयाँ प्रतितोला कारोबार भएको छापावाला सुनको मूल्य आज ९३ हजार ६ सय रुपैयाँ कायम भएको हो।

तेजाबी सुनको मूल्य भने आज ९३ हजार १ सय रुपैयाँ प्रतितोला राखिएको छ।

त्यस्तै चाँदीको मूल्य पनि घटेको छ।
शुक्रबार १ हजार २ सय ५० रुपैयाँ प्रतितोलामा कारोबार भएको चाँदीको मूल्य आज १ हजार २ सय ४५ रुपैयाँ कायम गरिएको सुनचाँदी व्यवसायी महासंघले जनाएको छ।