नागार्जुन रामकोटमा एकै परिवारका पाँच जना बेहोस अवस्थामा फेला, एक जनाको मृत्यु

२४ फागुन ०७८, काठमाडौं ।  काठमाडौंको नागार्जुनमा एकै परिवारका पाँच जना बेहोस अवस्थामा भेटिएका छन् । बेहोस भेटिएका पाँच जनामध्ये एक जनाको ज्यान गएको छ । अरु चार जनाको उपचार भइरहेको छ ।

नागार्जुन नगरपालिका–६ रामकोटमा एकै परिवारका पाँच जना बेहोस अवस्थामा भेटिएका हुन् । बेहोसमध्ये महानगरपालिका डल्लु स्थायी घर भइ डेरामा रामकोट बस्दै आएका ३३ वर्षीय सुवर्णमान प्रधानको उपचारका क्रममा मृत्यु भएको छ ।
अन्य गम्भीर घाइते चार जनाको मनमोहन अस्पताल स्वयम्भूमा उपचार भइरहेको महानगरीय प्रहरी कार्यालय काठमाडौंले जनाएको छ । घटनास्थलमा विषको बट्टा भेटिएको र थप अनुसन्धान भइरहेको प्रहरीले जनाएको छ ।

यसअघि सोमबार ललितपुरको कोञ्ज्योसोम गाउँपालिका–४ मा पनि एकै परिवारका पाँच जना मृत अवस्थामा भेटिएका थिए ।