ककनीमा आगलागी, तीन घर जलेर नष्ट

५ चैत ०७८, काठमाडौं । नुवाकोटको ककनी गाँउपालिका–३ अचराङमा आगलागी हुँदा तीन वटा घर जलेका छन् ।

गएराति भएको आगलागीबाट तीन दाजुभाइ मैते तामाङ, बुद्धिमान तामाङ र सागर तामाङको घर जलेर नष्ट भएको हो ।

स्थानीय बासिन्दा र ककनीबाट खटिएको प्रहरी टोलीले आगो निभाएका छन्। घरमा भएका सर–सामान सबै जलेर नष्ट भएको ककनी–३ का वडाध्यक्ष घननाथ बजगाईँले जानकारी दिए । तीन दाजुभाइको गरी ५० लाख रुपैयाँभन्दा धेरैको क्षति भएको प्रारम्भिक अनुमान छ ।