१० चैत्र ०७८, काठमाडौं ।आगामी तीन तहै चुनावमा नेपाली कांग्रेससँग गठबन्धन हुने दाबी नेकपा (माओवादी केन्द्र)का अध्यक्ष एवं पूर्वप्रधानमन्त्री पुष्पकमल दाहाल प्रचण्डले गर्नु भएको छ । स्थानीय तहको निर्वाचनको मिति घोषणा भएपछि पहिलो पटक आज गृह जिल्ला चितवन आएका प्रचण्डले स्थानीय तहको चुनावमा पनि केन्द्रबाट नै गठबन्धन हुने बताउनु भएको छ ।
चुनावी गठबन्धनको विषयमा चितवन कांग्रेसले भनेर केहि नहुने उहाँको भनाइृ छ । उहाँले अहिलेकै गठबन्धन स्थानीय मात्र होइन प्रादेशिक र संघिय चुनावसम्म पनि रहिरहने जिबिर गर्नु भएको छ । उहाँले चितवनमा कांग्रेसले एक्लै लड्ने भनेको छ नि भन्ने प्रश्नमा उहाँले चितवन कांग्रेसले भनेर केही नहुँने बताउनु भएको छ । प्रचण्डको निर्वाचन क्षेत्र माडीका विभिन्न स्थानमा आयोजित कार्यक्रममा सहभागी हुन प्रचण्ड आज चितवन जानु भएको हो ।
प्रतिक्रिया