भक्तपुरको सूर्यविनायकको खल्पिटार सहकारीमा चोरी

२३ चैत ०७८, भक्तपुर । भक्तपुरको वचत तथा ऋण सहकारी संस्थामा चोरी भएको छ । सूर्यविनायक नगरपालिका २ खल्पिटार बालकोटस्थित खल्पिटार वचत तथा ऋण सहकारी संस्था लिमिटेडबाट नगद ६ लाख ९८ हजार ५ सय १२ रुपैयाँ गएराति चोरी भएको प्रहरीले जानकारी दिएको छ ।
सहकारीको च्यानलगेट फुटाई भित्र दराज तथा सेफमा रहेको उक्त नगद चोरी भएको प्रहरीको भनाई छ ।
चोरीको सूचनापछि महानगरीय प्रहरी वृत्त ठिमीबाट खटिएको प्रहरीले चोरीमा संलग्न हाल फरार व्यक्तिहरूको खोजी गर्नुका साथै घटनाका सम्बन्धमा आवश्यक अनुसन्धान गरिरहेको जानकारी दिएको छ ।