फेरि बढ्यो सुनको मुल्य

२७ चैत ०७८, काठमाडौं । आज नेपाली सुनचाँदी बजारमा सुनको मुल्य आठ सय रुपैयाँले बढेको छ । आज छापावाल सुनको मुल्य तोलाको एक लाख तीन सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।

गत साताको अन्तिम दिन शुक्रबार सुन तोलाको ९९ हजार पाँच सय कारोबार भएको थियो । आज तेजावी सुनको मुल्य तोलाको ९९ हजार आठ सय रुपैयाँ निर्धारण भएको छ ।चाँदीको मुल्य १० रुपैयाँले बढेको छ। शुक्रबार एक हजार तीन सय ५५ रुपैयाँमा कारोबार भएको चाँदी एक हजार तीन सय ६५ रुपैयाँ निर्धारण भएको छ ।