साँगाबाट जगातीतर्फ आउँदै गरेको मोटरसाइकल दुर्घटना, चार महिनाकी बालिकाको मृत्यु

FIle photo

२९ चैत ०७८, भक्तपुर। भक्तपुरमा मोटरसाइकल दुर्घटना भएको छ । दुर्घटनामा चार महिनाकी बालिकाको मृत्यु भएको छ।
पाँचखाल नगरपालिका–१ की लोसाङ डोल्मा तामाङको मृत्यु भएको छ ।
बालिकालाई उपचारका लागि न्युरो अस्पताल लगिएकोमा उपचारको क्रममा बिहान ९ बजे मृत्यु भएको थियो।

प्रदेश–०२–०२१प ६७६२ नम्बरको मोटरसाइकल मंगलबार बिहान आफैं दुर्घटना हुँदा बालिकाको मृत्यु भएको महानगरीय प्रहरी परिसर भक्तपुरले जनाएको छ।

बिहान साढे ४ बजे साँगाबाट जगातीतर्फ आउँदै गरेको मोटरसाइकल अनियन्त्रित भएर दुर्घटना भएको परिसरले जनाएको छ।

दुर्घटनामा बालिकाका बुवा २२ वर्षीय बुद्ध तामाङ र उनकी आमा २१ वर्षीय सुस्मिता तामाङ घाइते भएका छन् । उनीहरु डा. इवामुरा अस्पताल सल्लाघारीमा उपचारपछि घर फर्केका छन्।