ललितपुरमा उम्मेदवार नै नभएको उपमेयरमा रुखलाई ११५१ मत

२ जेठ ०७९, ललितपुर । ललितपुर महानगरपालिकामा उपमेयर पदमा उम्मेदवार नै नभएका नेपाली कांग्रेसलाई ११५१ मत खसेको छ। ललितपुरमा गठबन्धनले माओवादी केन्द्रका बाबुराम वज्राचार्यलाई टिकट दिए पनि उनले अहिलेसम्म १४६४ मतमात्र पाएका छन्।

एमालेकी मञ्जली शाक्य वज्राचार्यले ललितपुर उपमेयरमा २००५ मतसाथ अग्रता बनाइरहेकी छन्। मेयरमा भने गठबन्धनका उम्मेदवार कांग्रेसका चिरिबाबु महर्जनले ४४७३ मत ल्याएर एमालेका हरिकृष्ण व्यञ्जनकारलाई धेरै पछाडि पारिदिएका छन्।

हरिकृष्ण व्यञ्जनकारले अहिलेसम्म १६२१ मत ल्याएका छन्।