ललितपुरको गोदावरीमा काँग्रेसका मेयर उम्मेदवार गजेन्द्र र उपमेयर मुना विजयी

५ जेठ ०७९, चापागाँउ । गोदावरी नगरपालिकामा गठबन्धनबो तर्फबाट नेपाली काँग्रेसका उम्मेदवार गजेन्द्र महर्जन काँग्रेसकै उपमेयरकी उम्मेदवार मुना अधिकारी विजयी भएकी छिन् ।
नगरपालिकाकी निर्वाचन अधिकृत श्रद्धा रिजालका अनुसार काँग्रेसका मेयरका उम्मेदवार महर्जनले १९ हजार १ सय ७० मत पाएसँगै विजयी घोषणा भएका हुन् । उनका निकटम प्रतिश्पर्धी नेकपा एमालेका मेयरका उम्मेदवार गम्भिर महर्जनले १५ हजार २ सय ३२ मत पाए ।
नेपाली काँग्रेसकी उपमेयरकी उम्मेदवार मुना अधिकारीले १८ हजार ५ सय ३६ मतसँगै विजयी भइन् । उनकी निकटतम प्रतिश्पर्धी रमि प्रधानांगले १४ हजार ३ सय ५ मत पाएकी छिन् ।
गोदावरी नगरपालिकामा नेपाली काँगे्रसले मेयर उपमेयर पदसँगै १४ वटा वडामध्ये ११ वटा वडामा विजय हासिल गरेको छ ।
विजय घोषणा भएसँगै मेयर महर्जन र उपमेयर महर्जनसहितको विजय जुलुस निस्किएको छ ।