देशारको हत्या भएको भन्दै चापागाँउ सडक बन्द,स्थानीय आन्दोलित

ललितपुर खबर
१७ वैशाख ०७९, चापागाँउ । ललितपुरको गोदावरी नगरपालिका ६ लेले सुन्तली डाँडा रहेको क्रसरसँगै खोचमा सोमबार विहान मृत भेटिएका गोदावरी ११ चापागाँउका विज्ञान देशारको हत्या भएको र सत्यतथ्य बाहिर ल्याई अपराधिलाई कारवाहीको माग गर्दै स्थानीयले चापागाँउ सडक बन्द गरेका छन् ।
स्थानीयले चापागाँउ सडक बन्द गर्दै नारावारी गरेको एक स्थानीयले ललितपुर खबरलाई बताए । उनले भने, देशारलाई गाडीले ठक्कर दिएर हत्या भएको हो । हत्यालाई दवाउन षड्यन्त्र भइरहेको सूचना पाएपछि हामीले सडक बन्द गर्दै विरोध गरेका हौं ।
प्रहरी बृत्तमा कार्यरत प्रसनी हरि भट्टका अनुसार जानकारी उनको शव वोष्ट मार्टमका लागि पाटन अस्पताल गरिएको छ ।
महानगरियप्रहरी बृत्तममा कार्यरत एक प्रहरीले पाटन अस्पतालमा पोष्ट मार्टम गर्न लगिएको भएपनि रिपोर्ट आइनसकेको बताइन् ।
महानगरिय प्रहरी बृत्त चापागाँउकाका अनुसार सोमबार विहान ७ बजे गोदावरी ११ चापागाँउका विज्ञान देशार ३ नम्बर प्रदेश०२—००७ प ६३८५ कालो निलो २२० पल्सर (पल्टेको अवस्थामा)सहित मृत अवस्थामा फेला परेका थिए ।
प्रसनी भट्टले पोष्ट माष्र्टम रिर्पोट आएपछि मात्रै घटनाका बारेमा जानकारी हुने बताए ।
सहकारीका प्रबन्धक इन्जोल श्रेष्ठका अनुसार उनी प्राकृतिक सहकारीमा बजार प्रतिनिधिका रुपमा काम गर्थे । उनी सहकारीको लेले शाखामा आयोजित कार्यक्रममा भाग लिएर रातको समयमा चापागाँउतर्फ फर्कदै थिए ।