काठमाडौंको फुटपाथ व्यापारीको कव्जामा, यात्रुलाई सास्ती (तस्विरहरु)

न्युज एजेन्सी नेपाल

२१ जेठ ०७९, काठमाडौं । राजधानीमा जव साँझ ढल्कदै जान्छ, यात्रुको भीडको रफतार निरन्तर बढ्छ । नगर प्रहरीको उति नै बेला सकिन्छ अनि फुटपाथमा व्यापारीको चहल पहल सुरु हुन्छ ।
साँझको बढ्दो सवारी चाप,यात्रुको भीड अनि फुटपाथ पसल । राजधानीका मुख्य बजार हिड्नै नसक्ने हुन्छ । यति बेला फुटपाथमा जाम हुन्छ ।

नगरप्रहरीले सडकमा व्यापार गर्दा खेदाउन थालेपछि धेरै व्यापारी बोकेरै व्यापार गर्दछन् । सडकमा झोला बोकेर, सिक्रि,लकेट र पालिसलगायत श्रृगारको समान बोकेर बेच्नेको पनि उस्तै लस्कर हुन्छ ।

फुटपाथ बजारका कारण सार्वजनिक यातायात्र पार्क गर्न ररोक्न समेत कठीन हुने गरेको चालकहरु बताउछन् । दैनिक दुई तीन घण्टा मात्रै फुटपाथ खुला हुँदा आम्दानी घटेको भन्दै धेरै पलायन भएका छन् ।
सटरमा व्यापार गर्दा पुराना र स्कट समान बासी तरकारी उनीहरु नै सडकमा उत्रेर बेच्दा पनि फुटपाथ बजार अव्यवस्थित भइहरेको हो ।

यहाँका सडकमा मोटरसाइकल पार्किङ पनि उस्तै हुन्छ । त्यही पार्किङ गरिएको मोटरसाइकलमाथि सामान राखेर व्यापार गरिरहेको देख्न सकिन्छ ।
काठमाडौंको कलंकी, असन इन्द्रचोक, लगनखेल,कोटेश्वर भक्तपुरका गल्लीमा असंख्य व्यापारी सडक व्यापारमा आश्रित छन् ।

नगरपालिकाले दैनिक गुजारा धान्न मुस्किल पर्ने शहरिया गरिवहरुको मर्कालाई बुझेर पुरै सडक व्यापारमा प्रतिवन्ध लगाउन पनि सकेको छैन । दिनभर सडक व्यापारप्रतिबन्ध नै गरिएको छ । हरेक दिन साँझ ५ बजेपछि भने फुटपाथ बजार खुल्ला हुन्छ ।