असारे विकाशको चपेटामा चापागाँउ बजार (तस्विरहरु)

ललितपुर खबर
२८ जेठ ०७९, चापागाँउ । आर्थिक वर्षको अन्तिम महिना असार लाग्नै लागिसक्यो । आजकल ललितपुरको चापागाँउ सडकमा धमाधम काम भइरहेको छ ।

बर्षे झरिमा यो सडक ढलान हुँदैछ । निरन्तरको बर्षाका कारण आजकल चापागाँउ बजार हिलाम्मे छ । सडकमा डोजर र लोडरले धमाधम काम गरिरहेका छन् ।

चापागाँउको ज्योतिविहारदेखि चापागाँउ टुसालसम्म झण्डै ८ सय मिटर कालोपत्र हुन लागेको हो ।

लेन्स : ललितपुर खबर

२०७२ सालमा स्थानीयबासीलाई मुआव्जा नदिई कालोपत्रको ठेक्का लगाइएको यहाँको सडक स्थानीयबासीले मुआव्जा र क्षतिपूर्तिको माग राखेर सडक विस्तार रोकेका थिए ।
पछिल्लो २ वर्षअघि यथास्थितीमा यो सडक कालोपत्र भयो । कच्ची घरहरुले ढाकिएको चापागाँउ बस्तीको यो सडक कालोपत्र गर्दा सडकमा रोलर लगाउदा घरहरु चर्कने भन्दै स्थानीयले चिन्तित हुने गर्थे ।