कोरोना संक्रमितको पाँच महिनाकै उच्च, एकैदिन ६३८ संक्रमित थपिए, दुई जनाको मृत्यु

१० साउन ०७९, काठमाडौं। कोरोना भाइरस संक्रमितको संख्या पाँच महिना यताकै उच्च रहेको छ । दैनिकजसो बढिरहेको संक्रमितको संख्या बढ्ने क्रममा मंगलबार ६३८ जना पुगेको छ । स्वास्थ्य तथा जनसंखया मन्त्रालयका अनुसार २४ घण्टामा दुई जना कोभिड १९ संक्रमितले ज्यान गुमाएका छन् ।
पछिल्लो २४ घण्टामा देशभरमा भएको कुल पाँच हजार ५५ नमुना परीक्षण गर्दा ६३८ जनामा संक्रमण पुष्टि भएको हो । जसमध्ये दुई हजार २१५ जना पीसीआर परीक्षण गरिएकोमा ४०० जना र दुई हजार ८४० एन्टिजेन परीक्षण गर्दा २३८ जनामा संक्रमण देखिएको मन्त्रालयले जनाएको छ ।

यसअघि फागुन ४ गते, मंगलबारकै हारहारीमा संक्रमित थपिएका थिए । सो दिन ६३९ जनामा संक्रमण देखिएको थियो । मंगलबार थपिएका संक्रमितमध्ये काठमाडौंका १६५ जना, ललितपुरका ६२ जना र भक्तपुरका ६ जना छन् । सोहि अवधिमा कोरोनन संक्रमणमुक्त हुने २१८ जना छन् । हाल देशभरमा तीन हजार ७१४ जना सक्रिय संक्रमित छन् ।