१८ साउन ०७९, ठेचो । नवदुर्गा भवानी नाचको १२ वर्षे जात्रा ठेचोमा सुरु भएसँगै मन्दिर परिसरमा अस्थायी घर निर्माणको काम धमाधम भइरहेको छ ।
स्थानीय देवगणले नजिकैको जंगलबाट काठ बाँस ल्याई मन्दिर परिसरमा अस्थायी घर निर्माण गर्न थालेका छन् । स्थानीय भाइलाले माली अस्थायी घरमा बसेर यात्राको तयारी गरिने बताए । भने, यहाँ बसेर श्वेत भैरव नाचलगायत नाचको प्रशिक्षणलगायतका काम गरिन्छ ।
उनका अनुसार गथामुग चह्रेका दिन मन्दिरमा लगाइएको ताल्चा एक महिनापछि खोलिन्छ । त्यसपछि साइत हेरेर तीनपानेबाट काठ ल्याइन्छ ।
गोदावरी १२ का वडाध्यक्ष जगतबहादुर महर्जनले जात्राको नियम लागू भएसँगै रातको समयमा गाँउमा हिडडुल गर्न नहुने बताए ।
मुख्य जात्रा भने दशैतिरबाट मात्र सुरु हुन्छ । फुलपातीमा यज्ञ र बली दिइन्छ भने कोजाग्रत पूर्णिमाको दिन भोज खुवाइन्छ । जात्रा यसै बर्षको चैत्रतिर समापन हुन्छ । ३४ जना परिवार सदस्य रहेको गुठीले यो जात्रा आयोजना गर्ने गर्दछ ।
जात्रा का लागि ७० लाखभन्दा धेरै खर्च हुने गुठीको अनुमान छ । यसका लागि गोदावरी नगरपालिकाले ५० लाख जात्रा सञ्चालन खर्च दिएको छ ।
प्रतिक्रिया