ललितपुर महानगरले सुन्दरीघाटमा फोहोर फाल्न थाल्यो,स्थानीयले गरे विरोध

ललितपुर खबर
३० साउन ०७९, ललितपुर । ललितपुरको अपलडोल सुन्दरीघाटस्थित मल पोखरीमा ललितपुर महानगरका गाडीले फोहोर फ्याकेपछि स्थानीयबासीले विरोध गरेका छन् ।
आइतबार महानगरको नगरप्रहरीले फ्याकिएको फोहोरमा गन्ध नआउने औषधी छर्न आएपछि स्थानीयले घेराउ गरेर अवरोध गरेका हुन् ।
स्थानीय विवेशजंग बस्नेतले हरेक विहान ४ बजेदेखि मल पोखरीनजिकै वागमती नदिको किनारबाट महानगरका कर्मचारीले फोहोर बगाउने गरेको बताए । उनले भने, ‘हरेक दिन रातको ११ बजेपछि फोहोर ल्याएर यहाँ फ्याकेपछि हामीले अवरोध गरेका हौं ।’
उनका अनुसार यस क्षेत्रमा फोहोर फ्याकेपछि दुर्गन्धले बस्नै गाह्रो भएको छ ।
स्थानीयले मेयर महर्जन नआएसम्म फोहोरको गाडी नफर्काउने भन्दै अवरोध गरेपछि नगर प्रहरी प्रमुख सिताराम हाछेथु वागडोल पुगेका थिए ।
मल पोखरीको फोहोर उठाउनु पर्ने स्थानीयको माग पनि नगर प्रहरी प्रमुख विना सहतमी फर्केका छन् । फोहोरको गाडी स्थानीयले महानगरिय प्रहरी प्रभाग मा बुझाएका छन् ।
स्थानीय बस्नेतले आज ११ बजे नगरपालिकामा छलफलका लागि आफूहरुलाई बोलाएको बताए । उनले भने, ‘बस्तीको बीचमा हामी फोहोर फ्क्न दिदैनौं ।’
नगरप्रहरी हाछेथुले आफूहरु फोहोर फ्याक्न नभई दुगन्ध हटाउनका लागि चुन राख्न गएको बताए । उनले भने,‘त्यहाँ दिर्घकालीन फोहोर फ्क्याने योजना चाही होइन ।’

अपलडोल सुन्दरीघाट