मेरो माइक्रो फाइनान्सबाट विभिन्न सामान चोरी

२ भदौ ०७९, काठमाडौं । काठमाडौंको नागार्जुन नगरपालिका ५ कारखाना चोक नजिक मेरो माइक्रो फाइनान्स लघुबित्त शाखा कार्यालयबाट विभिन्न कार्यालयका सरसामान चोरी भएको छ । प्रहरीका अनुसार लघुवित्तको यस शाखबाट १ थान ल्यापटप, १ थान प्रिन्टर, १ थान राउटर र नगद १३ हजार ६ सय ७८ रूपैयाँ समेत गरी करिब ३ लाख ८४ हजार रूपैयाँ बराबरको धनमाल बुधबार चोरी भएको छ ।
घटनाको सम्बन्धमा प्रहरी वृत्त स्वयम्भुबाट खटिएको प्रहरीले चोरीमा संलग्न हाल फरार रहेका व्यक्ति खोजी गर्नुका साथै आवश्यक अनुसन्धान गरिरहेको जानकारी दिएको छ ।